icon
Türkmençe
Русский
English
2024-nji ýyl - «Pähim-paýhas ummany
Magtymguly Pyragy
»
img
img
img
img

25 noýabr 2023

714

Türkmenistan Bütindünýä durnukly ulag güni mynasybetli geçirilen çärä gatnaşdy

2023-nji ýylyň 24-nji noýabrynda BMG-niň Ženewadaky edarasynyň Bütindünýä durnukly ulag güni mynasybetli dabaraly çäre geçirildi.

Agzalan çäräniň halkara guramalaryň, şol sanda BMG-niň Ýewropa Ykdysady Komissiýasynyň, BMG-niň Söwda we ösüş boýunça Konferensiýasynyň, Halkara awtomobil ulaglary birleşiginiň, Awtoulaglary öndürijileriniň halkara guramasynyň, Halkara söwda merkeziniň, BSGG-niň, Ýewropanyň welosiped sürüjileriniň federasiýasynyň, Halkara demir ýol birleşiginiň, Halkara jemgyýetçilik ulaglarynyň birleşiginiň ýolbaşçylary hem-de wekilleri, şeýle hem birnäçe ýurtlaryň wekilleri gatnaşdylar.

Bu çärede türkmen tarapyna Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktorynyň orunbasary B.Annaýew wekilçilik etdi.

Çykyşynyň dowamynda B.Annaýew ýurdumyzda ulag pudagyna degişlilikde alnyp barylýan içerki we daşarky syýasat barada, hususan-da Türkmenistanyň dünýä ulag ulgamyna netijeli girişmegi üçin milli ulag insfrastrukturasynyň yzygiderli esasda kämilleşdirilmegi we döwrebaplaşdyrylmagy barada, şeýle hem ilatyň gündelik durmuşyna ulagyň häzirki zaman we ekologiki taýdan arassa görnüşleriniň girizilmegi, ulaglaryň ähli görnüşleriniň elýeterliliginiň üpjün edilmegi ugrunda ýerine ýetirilýän işler barada aýdyp geçdi. Bu babatda, ýurdumyzda durmuşa geçirilýän Ulag diplomatiýasyny ösdürmegiň 2022-2025-nji ýyllar üçin niýetlenen Maksatnamasy barada aýratyn bellenildi.

Bütindünýä durnukly ulag güni şu ýyl ilkinji gezek bellenilýär. Baýramyň senesi, ýagny 26-njy noýabr, Türkmenistanyň başlangyjy bilen öňe sürlen we BMG-niň Baş assambleýasy tarapyndan 2023-nji ýylyň 16-njy maýynda kabul edilen kararnamasy esasynda döredildi.

Telefon: +993 (12) 44-56-92
Faks: +993 (12) 44-58-12
Kabulhana: +993 (12) 44-56-87
Metbugat gullugy: +993 (12) 44-56-04
E-mail: ddd@mfa.gov.tm
744000, Aşgabat, Arçabil köç., 108
Aşgabat, Türkmenistan
© 2024 Türkmenistanyň Daşary işler ministrligi