Türkmenistanyň Ilçisi Leningradyň faşistik gabawdan doly azat edilmeginiň 80 ýyllygyna bagyşlanan çärelere gatnaşdy

2024-nji ýylyň 27-nji ýanwarynda Sankt-Peterburgda Türkmenistanyň Russiýa Federasiýasyndaky Adatdan daşary we Doly ygtyýarly Ilçisi E.Aýdogdýew Leningradyň faşistik gabawdan doly azat edilmeginiň 80 ýyllygyna bagyşlanan çärelere gatnaşdy.

Piskarýowskiý ýadygärlik gonamçylygynda geçirilen matam dabarasynda Türkmenistanyň Ilçisi, Leningrad üstündäki söweşlerde şehit bolan Türkmenistanyň Gahrymanlarynyň ýadygärligine gül goýdy. Dabara gatnaşanlar Watan ugrunda şehit bolanlaryň hatyrasyna hormat goýdular.

Şol gün, Gazprom Arena stadionynda Russiýa Federasiýasynyň medeni we sungat işgärleriniň gatnaşmagynda bu möhüm senä bagyşlanan baýramçylyk konserti geçirildi.