icon
Türkmençe
Русский
English
2024-nji ýyl - «Pähim-paýhas ummany
Magtymguly Pyragy
»
img
img
img
img
img
img

09 maý 2024

705

London şäherinde Magtymguly Pyragynyň 300 ýyllygyna bagyşlanan dabaraly çäre geçirildi

2024-nji ýylyň 7-nji maýynda Türkmenistanyň Beýik Britaniýadaky Ilçihanasy tarapyndan London şäherinde beýik türkmen şahyry we akyldary Magtymguly Pyragynyň 300 ýyllygyna bagyşlanan dabaraly çäre geçirildi.

Çärä daşary ýurt döwletleriniň Ilçileri, Beýik Britaniýanyň Parlamentiniň, Halkara deňiz guramasynyň, «British Library» kitaphanasynyň, «The Royal Society for Asian Affairs» guramasynyň, Ýewropa habarlar agentliginiň wekilleri, «University College London», «London South Bank University», «SOAS University of London» ýaly ýokary okuw mekdepleriniň professor-mugallymlary, «The Aitmatov Academy» guramasynyň ýolbaşçysy, türkmen diasporasynyň wekilleri we ýokary okuw mekdeplerinde bilim alýan türkmen talyplary gatnaşdylar.

Türkmenistanyň Ilçisi Ýa.Serýaýew öz çykyşynda 2024-nji ýylda Gündogaryň beýik akyldary we nusgawy şahyry Magtymguly Pyragynyň 300 ýyllygyna bagyşlanyp halkara we döwlet derejesinde geçirilmegi meýilleşdirilýän çäreler barada belläp geçdi. Çäräniň dowamynda Magtymguly Pyragynyň goşgulary okaldy, şeýle hem Türkmenistanyň ösüşine we Magtymguly Pyragynyň ömri we döredijiligine bagyşlanan wideoşekiller görkezildi.

Soňra dabaraly çäre nusgawy şahyryň eserleriniň, türkmen halkynyň milli egin-eşikleriniň, şaý-sepleriniň we amaly-haşam sungatynyň gazananlarynyň ýerleşdirilen sergisini synalamak bilen dowam etdirildi.

Telefon: +993 (12) 44-56-92
Faks: +993 (12) 44-58-12
Kabulhana: +993 (12) 44-56-87
Metbugat gullugy: +993 (12) 44-56-04
E-mail: ddd@mfa.gov.tm
744000, Aşgabat, Arçabil köç., 108
Aşgabat, Türkmenistan
© 2024 Türkmenistanyň Daşary işler ministrligi