2025-nji ýylyň 23-24-nji aprelinde Türkmenistanyň wekiliýeti Ženewa şäherinde geçirilen Birleşen Milletler Guramasynyň Gynamalara garşy komitetiniň 82-nji mejlisine gatnaşdy.
Mejlise gatnaşmaklyk Türkmenistan bilen halkara hukuk goraýjy düzümleriň arasyndaky konstruktiw dialogyň ösüşi ugrunda wajyp ädim boldy.
Mejlisiň dowamynda Türkmenistanyň wekiliýeti ýurdumyzyň gynamalaryň hem-de ýüzlenmegiň we jeza bermegiň rehimsiz, adamkärçiliksiz ýa-da mertebäni peseldiji görnüşleriniň öňüni almak ugrunda alyp barýan tagallalary barada maglumat bilen çykyş etdi. Milli kanunçylygyň we kazyýet tejribesiniň çäklerinde ýetilen esasy sepgitler, şeýle-de hukuk goraýjy edaralaryň işgärleriniň hukuk sowatlylygyny ýokarlandyrmaga we adalatlylyga bolan elýeterliligi giňeltmäge gönükdirilen başlangyçlar barada bellenip geçildi.
Ara alyp maslahatlaşmalar dostlukly we konstruktiw äheňde geçdi. Komitet agzalary türkmen wekiliýetiniň dialoga we özara gatnaşyklara bolan açyklygyna ýokary baha berdiler, şeýle-de geljekki hyzmatdaşlyga bolan gyzyklanmasyny bildirdiler.
Bu mejlise gatnaşmaklyk Türkmenistanyň adam hukuklary ugrunda halkara borçnamalary ýerine ýetirmäge ymtylýandygyny hem-de BMG-niň ugurdaş düzümleri bilen wajyp meseleleri açyk ýagdaýda ara alyp maslahatlaşmaga taýýardygyny tassyklady.
