icon
Türkmençe
Русский
English
2024-nji ýyl - «Pähim-paýhas ummany
Magtymguly Pyragy
»
img

06 dekabr 2023

976

Türkmenistanyň Daşary işler ministriniň Russiýa Federasiýasynyň Federasiýa Geňeşniň Halkara gatnaşyklar boýunça Komitetiniň Başlygy bilen duşuşygy

2023-nji ýylyň 5-nji dekabrynda RF-ne iş saparynyň çäklerinde Türkmenistanyň Ministrler Kabinetiniň Başlygynyň Orunbasary, Türkmenistanyň Daşary işler Ministri Raşid Meredow bilen Russiýa Federasiýasynyň Federasiýa Geňeşiniň Halkara gatnaşyklar boýunça Komitetiniň Başlygy Grigoriý Karasiniň arasynda duşuşyk geçirildi.

Russiýa tarapy, Russiýa bilen Türkmenistanyň arasyndaky gatnaşyklaryň strategiki hyzmatdaşlygyň ruhunda ösýändigini belläp, Russiýanyň mejlisiniň ýokary palatasynyň Merkezi Aziýa ýurtlarynyň we Russiýa Federasiýasynyň ikinji Parlamentara forumyny taýýarlamak we geçirmek üçin bilelikdäki işe bil baglaýandygyny aýtdy.

Raşid Meredow kanun çykaryjylaryň türkmen-rus gatnaşyklaryny ösdürmäge goşýan goşandyny nygtady we möhüm tejribe toplanan halkara guramalarynyň çäklerinde bilelikdäki işleriň dowam etdirilmegini goldady.

Söhbetdeşligiň dowamynda söwda-ykdysady gatnaşyklar aýratyn ara alnyp maslahatlaşyldy.

Söhbetdeşler medeni-ynsanperwer hyzmatdaşlygy barada pikir alyşdylar we türkmen-rus uniwersitetiniň döredilmegi, Döwlet rus drama teatrynyň täze binasynyň gurulmagy we A.S.Puşkin adyndaky mekdep üçin goşmaça binanyň gurulmagy ýaly meýilnamalary ara alyp maslahatlaşdylar.  

Telefon: +993 (12) 44-56-92
Faks: +993 (12) 44-58-12
Kabulhana: +993 (12) 44-56-87
Metbugat gullugy: +993 (12) 44-56-04
E-mail: ddd@mfa.gov.tm
744000, Aşgabat, Arçabil köç., 108
Aşgabat, Türkmenistan
© 2024 Türkmenistanyň Daşary işler ministrligi