2024-nji ýylyň 14-nji fewralynda Türkmenistanyň Saud Arabystany Patyşalygyndaky Ilçisi O.Çaryýew ýurduň “Arab News” gazetiniň Baş redaktorynyň orunbasary Nur Nugali bilen duşuşdy.
Duşuşykda maglumat ulgamynda hyzmatdaşlyk etmek, doganlyk türkmen-saud gatnaşyklarynyň ösüşlerini köpçülige ýaýratmak meseleleri ara alnyp maslahatlaşyldy.
Şeýle hem, duşuşykda Türkmenistanyň Prezidenti Serdar Berdimuhamedowyň “Ýaşlar – Watanyň daýanjy” atly kitaby hem tanyşdyryldy.
Mundan başga-da, Türkmenistanda 2024-nji ýylyň “Pähim-paýhas ummany Magtymguly Pyragy” ýyly diýlip yglan edilendigi habar berildi hem-de şu ýylyň dowamynda Türkmeniň akyldar şahyry Magtymguly Pyragynyň 300 ýyllygyna bagyşlap Türkmenistanda birnäçe medeni we ylmy çäreleriň geçirilmeginiň meýilleşdirilýändigi mälim edildi.
Şunuň bilen baglylykda, “Arab News” gazetiniň wekilleri Türkmeniň akyldar şahyry Magtymguly Pyragynyň 300 ýyllygyna bagyşlap geçiriljek halkara derejeli çäreleriň işine gatnaşmaga çagyryldy.
