Katar döwletiniň medeniýet ministri bilen duşuşyk

2024-nji ýylyň 17-nji martynda Türkmenistanyň Katardaky Ilçisi M.Seýitmämmedow bilen Katar döwletiniň Medeniýet ministri şeýh Abdulrahman ben Hamad bin Jassim ben Hamad Al Taniniň arasynda duşuşyk geçirildi.

Duşuşygyň barşynda taraplar medeniýet ulgamynda iki döwletiň arasyndaky gatnaşyklary işjeňleşdirmek babatynda alnyp barylmaly işleri ara alyp maslahatlaşdylar.

Garalan meseleleriň hatarynda şu ýylyň dowamynda Magtymguly Pyragynyň 300 ýyllygy mynasybetli Türkmenistanda geçiriljek halkara çärelere Kataryň wekiliýetiniň gatnaşmagyna aýratyn üns berildi.