Halkara agyr atletika federasiýasynyň Baş direktory bilen duşuşyk geçirildi

2024-nji ýylyň 27-nji iýunynda Lozanna şäherinde Türkmen Milli agyr atletika federasiýasynyň başlygy Berdinyýaz Mätiýew bilen Halkara agyr atletika federasiýasynyň (IWF) Baş direktory A.Tsogasyň arasynda duşuşyk geçirildi.

Duşuşyň barşynda taraplar Türkmenistanda halkara we sebitleýin agyr atletika ýaryşlaryny geçirmek, halkara bilermenleriniň gatnaşmagynda okuw maslahatlaryny gurnamak, türgenleri taýýarlamak bilen bagly meseleleri ara alnyp maslahatlaşdylar hem-de bu ugurda hyzmatdaşlygy giňeltmek babatynda ylalaşdylar.

Şeýle hem Halkara agyr atletika federasiýasynyň Baş direktory A.Tsogas tarapyndan 2024-nji ýylda Pariž şäherinde geçiriljek tomusky Olimpiýa oýunlaryna türkmen emininiň gatnaşmagy baradaky sertifikat resmi taýdan gowşuryldy.