2025-nji ýylyň 22-nji ýanwarynda Türkmenistanyň Yslamabat şäherindäki Ilçihanasynda Gujranwala Business Centre döwlet kompaniýasynyň başlygy Ahmad Ikram Lonenyň ýolbaşçylygyndaky wekiliýet bilen duşuşyk geçirildi.
Duşuşygyň barşynda türkmen tarapy ykdysadyýeti döwrebaplaşdyrmaga, diwersifikasiýalaşdyrmaga we sanlylaşdyrmaga, bazar düzümleriniň we döwlet gözegçiliginiň netijeli sazlaşygyna, iň täze tehnologiýalaryň, innowasiýalaryň giňden ornaşdyrylmagyna, ýurdumyzyň dünýä hojalyk gatnaşyklarynyň ulgamyna işjeň goşulyşmagyna, ilatyň ýaşaýyş-durmuş derejesiniň yzygiderli ýokarlandyrylmagyna gönükdirilen Türkmenistanyň ykdysady ösüşiniň strategiýasy barada habar berdi.
Pakistanly işewürler türkmen telekeçileri bilen gatnaşyklary işjeňleşdirmäge uly gyzyklanma bildirdiler.
Taraplar hyzmatdaşlygy mundan beýläk-de ösdürmek we berkitmek üçin yzygiderli duşuşyklary geçirmek barada ylalaşdylar.
