icon
Türkmençe
Русский
English
2024-nji ýyl - «Pähim-paýhas ummany
Magtymguly Pyragy
»
img
img
img
img
img
img

16 iýun 2023

1731

Gyrgyzystanda “Pyragy” oýnunyň nobatdaky görkezilişi boldy

2023-nji ýylyň 15-nji iýunynda A.Žaýnakow adyndaky Batken welaýat sazly-drama teatrynda Magtymguly Pyragynyň doglan gününiň 300 ýyllygyna bagyşlanyp goýlan “Pyragy” oýnunyň nobatdaky görkezilişi boldy. Oňa Türkmenistanyň Gyrgyz Respublikasyndaky Adatdan Daşary we Doly ygtyýarly ilçisi Ş.Meredow, Gyrgyz Respublikasynyň medeniýet, maglumat, sport we ýaşlar syýasaty ministriniň birinji orunbasary K.Imanaliýew we köp sanly tomaşaçylar gatnaşdy.

K.Imanaliýew oýnuň goýulşyna, artistleriň we režissiýoryň işine uly baha berip, türkmen halkynyň beýik akyldar şahyry Magtymguly Pyragyny gyrgyz halkyna tanatmakda eden ägirt uly işleri üçin olara minnetdarlyk bildirdi.

Şol gün ilçi Gyrgyz Respublikasynyň hökümetiniň Batken welaýaty boýunça doly ygtyýarly wekiliniň (gubernatorynyň) birinji orunbasary Marufhan Tulaýew bilen duşuşyk geçirdi. 

Duşuşykda sebitara hyzmatdaşlygy ösdürmek, hususanda, doganlyk welaýatlar bolan Türkmenistanyň Ahal welaýaty bilen Gyrgyzystanyň Batken oblastynyň arasyndaky hyzmatdaşlygy giňeltmek meseleleri ara alnyp maslahatlaşyldy.

Şeýle-de M.Tulaýew “akylly” şäher konsepsiýasy esasynda gurulýan Arkadag şäheri bilen tanyşdyryldy.

Telefon: +993 (12) 44-56-92
Faks: +993 (12) 44-58-12
Kabulhana: +993 (12) 44-56-87
Metbugat gullugy: +993 (12) 44-56-04
E-mail: ddd@mfa.gov.tm
744000, Aşgabat, Arçabil köç., 108
Aşgabat, Türkmenistan
© 2024 Türkmenistanyň Daşary işler ministrligi