Tokioda ýylyň şygary hem-de Magtymguly Pyragynyň doglan gününiň 300 ýyllygy mynasybetli duşuşyk geçirildi

2023-nji ýylyň 28-nji iýulynda Türkmenistanyň Ýaponiýadaky ilçihanasy bilen Ýaponiýanyň «Fujisan Çidama» atly çagalar geňeşiniň bilelikde guramagynda «Arkadag Serdarly bagtyýar ýaşlar» Ýyly we Magtymguly Pyragynyň doglan gününiň 300 ýyllygy mynasybetli tanyşdyrylyş duşuşygy geçirildi.

Bu çärä «Fujisan Çidama» geňeşe agza çagalar, mekdep okuwçylar we wekiller gatnaşdylar.

Tanyşdyrylyş duşuşygyň dowamynda çykyş edenler Türkmenistanda ýaşlar syýasatyny amala aşyrmaga aýratyn üns berilýändigini we ýaş nesil barada döwlet derejesinde edilýän özgertmeleriň özüniň oňyn netijelerini berýändigini bellediler.

Şeýle hem, duşuşyga gatnaşyjylar türkmen halkynyň nusgawy şahyry Magtymguly Pyragynyň ömri we döredijiligi bilen tanyşdyryldy.