Türkmenistanyň Kamboja Patyşalygyndaky ilçisi ynanç hatlarynyň nusgalaryny gowşurdy

2023-nji ýylyň 10-njy awgustynda Türkmenistanyň Kamboja Patyşalygynda täze bellenen ilçisi M.Maşalow (oturýan ýeri Kuala-Lumpur şäheri) Kambojanyň daşary işler we halkara hyzmatdaşlyk ministrliginiň protokol müdirliginiň başlygy Ouk Fianga ynanç hatlarynyň nusgalaryny gowşurdy.

Protokol müdirliginiň ýolbaşçysy ilçini wezipä bellenmegi mynasybetli gutlamak bilen, oňa täze işinde uly üstünlikleri arzuw etdi. Duşuşygyň dowamynda taraplar Türkmenistanyň we Kamboja Patyşalygynyň arasyndaky ikitaraplaýyn gatnaşyklaryň häzirki ýagdaýy we geljegi barada pikir alyşdylar.  

Ilçi öz gezeginde, Türkmenistanyň we Kambojanyň arasyndaky gatnaşyklaryň mundan beýläk-de pugtalandyrylmagy ugrunda tagalla etjekdigine ynandyrdy.