Astanada konkur boýunça ýaryşlar geçirildi

2023-nji ýylyň 29-njy sentýabrynda Türkmenistanyň Garaşsyzlygynyň 32 ýyllygynyň bellenilmeginiň çäklerinde Türkmenistanyň Gazagystan Respublikasyndaky Ilçihanasy Astanadaky «Argymak» atçylyk-sagaldyş toplumynda atçylyk sportunyň konkur görnüşi boýunça ýaryş gurady.

Sport çäresine Gazagystanda akkreditirlenen diplomatik wekilhanalaryň ýolbaşçylary we işgärleri, Astananyň häkimliginiň wekilleri, gazak türgenleri we atçylyk sportunyň janköýerleri gatnaşdy.

Bäsleşigiň çäklerinde çeýeligini we atlar bilen özara baglanyşygyny görkezýän türgenleriň görkeziş çykyşlary boldy.

Sport baýramçylygynyň ýeňijileri we baýrak alanlar medallar, hormat şahadatnamalary we ilçihananyň ýadygärlik sowgatlary bilen sylaglandy.