icon
Türkmençe
Русский
English
2024-nji ýyl - «Pähim-paýhas ummany
Magtymguly Pyragy
»
img

16 maý 2019

591

Türkmenistan we Wýetnam köpugurly hyzmatdaşlygy giňeltmegi göz öňünde tutýarlar

2019-njy ýylyň 16-njy maýynda Türkmenistanyň Daşary işler ministrliginde türkmen paýtagtyna iş sapary bilen gelen Wýetnamyň Kommunstik Partiýasynyň Merkezi Komitetiniň halkara bölüminiň başlygynyň orunbasary Nguen Tuan Fongyň ýolbaşçylygyndaky Wýetnam Sosialistik Respublikasynyň wekiliýeti bilen duşuşyk geçirildi.

Duşuşygyň barşynda taraplar iki ýurduň arasyndaky köpugurly gatnaşyklary ösdürmäge ygrarlydyklaryny belläp geçdiler. Şunuň bilen baglylykda döwletara saparlarynyň guralmagynyň, has takygy ýokary derejeli wekiliýetleri alyşmagyň möhüm ähmiýeti nygtaldy. Iki ýurduň daşary syýasat edaralarynyň arasyndaky gatnaşyklary işjeňleşdirmegiň, şertnama-hukuk binýadynyň ösdürilmeginiň, şeýle hem bilelikdäki ykdysady taslamalary işläp düzmegiň zerurlygy bellenilip geçildi. Şeýle hem taraplar haryt dolanşygynyň göwrümlerini artdyrmagyň mümkinçilikleri hakynda gürrüň etdiler we munuň üçin oňyn şertleriň bardygyny nygtadylar.

Taraplar ýurtlaryň ikisiniň hem dostlugyň taryhy baglarynyň bardygyny aýratyn nygtamak bilen, Türkmenistanyň we Wýetnamyň arasynda medeni-ynsanperwer özarahereketleriniň ösdürilmeginiň mümkinçiliklerini ara alyp maslahatlaşdylar. 

Telefon: +993 (12) 44-56-92
Faks: +993 (12) 44-58-12
Kabulhana: +993 (12) 44-56-87
Metbugat gullugy: +993 (12) 44-56-04
E-mail: ddd@mfa.gov.tm
744000, Aşgabat, Arçabil köç., 108
Aşgabat, Türkmenistan
© 2024 Türkmenistanyň Daşary işler ministrligi