2019-njy ýylyň 16-njy dekabrynda Türkmenistanyň Daşary işler ministrliginde Hytaý Halk Respublikasynyň Kommunistik partiýasynyň Merkezi komitetiniň Daşary aragatnaşyklar ministriniň orunbasary Sýan Hunşanyň ýolbaşçylygyndaky wekiliýet bilen duşuşyk geçirildi.
Duşuşygyň barşynda taraplar Türkmenistanyň Demokratik partiýasynyň we Hytaý Halk Respublikasynyň Kommunistik partiýasynyň Merkezi komitetiniň arasyndaky hyzmatdaşlygyň häzirki ýagdaýyny ara alyp maslahatlaşdylar.
Duşuşygyň çäklerinde taraplar uzak möhletleýin esasda ýola goýulýan we ikitaraplaýyn bähbitlere laýyk gelýän netijeli iki ýurduň jemgyýetçilik guramalarynyň arasyndaky hyzmatdaşlygyň ençeme esasy ugurlary boýunça pikir alyşdylar.
Şeýle hem taraplar iki döwlet üçin hem ähmiýetli bolan köpçülikleýin habar beriş serişdeleri, sport we ýaşlar syýasaty ýaly ulgamlarda geljekde hyzmatdaşlyk etmeklik barada belläp geçdiler.
Taraplar milli bähbitleriň talabyna we iki sany dostlukly döwletiň ösüşiniň ähmiýetine laýyk gelýän netijeli gatnaşyklary geljekde hem ösdürmäge meýillerini tassykladylar.
