2025-nji ýylyň 11-nji dekabrynda Türkmenistanyň Daşary işler ministriniň orunbasary Mähri Bäşimowanyň Halkara zähmet guramasynyň (HZG) Gündogar Ýewropa we Merkezi Aziýa ýurtlary boýunça Býurosynyň we mynasyp zähmet meseleleri boýunça tehniki goldaw toparynyň direktory Mihail Puşkin bilen duşuşygy geçirildi.
Duşuşygyň dowamynda «Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygyny ösdürmek» atly halkara maslahatynyň ähmiýeti bellenildi. Halkara maslahata HZG-niň wekili hanym Çidi King hem gatnaşdy.
Taraplar Türkmenistan bilen HZG-niň arasyndaky hyzmatdaşlygyň häzirki ýagdaýyny we geljek ýylda ösüşiniň mümkinçiliklerini ara alyp maslahatlaşdylar.
Duşuşykda Halkara zähmet guramasy bilen hyzmatdaşlygyň Türkmenistanyň halkara düzümler bilen ynsanperwer hyzmatdaşlygynyň esasy ugurlarynyň biri bolup durýandygyna aýratyn üns çekildi.
