2016-njy ýylyň 7-nji oktýabrynda Türkmenistanyň Nýu-Ýorkdaky Hemişelik wekilhanasynyň binasynda Türkmenistan bilen Bagam Adalary Arkalaşygynyň arasynda diplomatik gatnaşyklary ýola goýmak hakyndaky Bilelikdäki Beýanata gol çekmek dabarasy geçirildi.
Dabaranyň dowamynda Türkmenistanyň we Bagam Adalary Arkalaşygynyň Hemişelik wekilleri iki ýurduň arasyndaky dostluk gatnaşykalrynyň berkidilmegine we syýasy, ykdysady we medeni hyzmatdaşlygynyň ösdürilmegine gyzyklanma bildirdiler.
Gepleşikleriň dowamynda taraplar iki ýurduň arasyndaky gatnaşyklary oňaýly ýola goýmak barada pikir alyşdylar. Taraplar özara syýasy hyzmatdaşlyga ähmiýet bildirip iki ýurduň daşary syýasy edaralarynyň arasynda syýasy geňeşmeleri hemişelik esasda geçirmek barada ylalaşdylar. Şeýle hem, halkara guramalaryň çäginde özaragatnaşyklaryň ähmiýeti bellenildi.
