2017-nji ýylyň 18-nji sentýabrynda, Türkmenistanyň Daşary işler ministrliginde Singapur Respublikasynyň Daşary işler we zähmet resurslary boýunça döwlet ministri Sam Tanyň ýolbaşçylygyndaky wekiliýet bilen duşuşyk geçirildi.
Gepleşikleriň barşynda iki ýurduň arasynda bar bolan dostlukly gatnaşyklary mundan beýläk hem ösdürmek üçin ýokary derejedäki saparlaryň guralmagynyň wajypdygyny belläp, Singapur tarapy bu ugurda işleriň ilerlemegini şertleşdiler.
Duşuşygyň dowamynda ikitaraplaýyn syýasy-diplomatik, söwda-ykdysady, medeni-ynsanperwer ulgamlarynyň ösdürilmegine uly gyzyklanma bildirilip, döwletara hyzmatdaşlygyň dürli derejedäki meselelerine garaldy.
Duşuşygyň ahyrynda, Türkmenistanyň we Singapur Respublikasynyň arasyndaky hyzmatdaşlygyň häzirki ýagdaýyna hoşallygyny bildirdiler we ony köp ugurlar boýunça has hem ösdürmek mümkinçiliklerini ulanmagyň zerurdygyny bellediler.
