icon
Türkmençe
Русский
English
2024-nji ýyl - «Pähim-paýhas ummany
Magtymguly Pyragy
»
img

15 noýabr 2018

915

Türkmenistan we Germaniýa- ikitaraplaýyn bähbitli hyzmatdaşlygy giňeltmegiň ýolunda

2018-nji ýylyň 14-nji noýabrynda Türkmenistanyň Daşary işler ministrliginiň wekiliýetiniň Germaniýa Federatiw Respublikasyna sapary başlady.

Saparyň ilkinji gününde Türkmenistanyň Daşary işler ministrliginiň wekiliýeti German ykdysadyýetiniň Gündogar komiteti tarapyndan gurnalan “Esasy üns Gündogar Ýewropa tarap  -  işewürler gepleşikde” atly maslahata gatnaşdylar. Bu maslahat iri nemes kompaniýalarynyň, banklarynyň hem-de Germaniýanyň söwda edaralarynyň 250-den gowrak töweregi ýolbaşçylaryny we wekillerini ýygnandy.

Maslahatda çykyş etmek bilen, Daşary işler ministri gatnaşyjylary Türkmenistanyň Prezidentiniň ykdysadyýet strategiýasy bilen tanyşdyrdy we türkmen-german ykdysady hyzmatdaşlygyň ösüşindäki geljegini belledi.

Türkmenistanyň Daşary işler ministrliginiň wekiliýeti German ykdysadyýetiniň Gündogar komitetiniň müdiriýetiniň başlygy jenap Wolfang Býuhel bilen hem-de nemes kompaniýalarynyň ýolbaşçylary bilen duşuşyklar geçirdi. Duşuşyklarda energetika, ulag we beýleki birnäçe ulgamlardaky hyzmatdaşlygyň meseleleri ara alnyp maslahatlaşyldy.

Türkmen wekiliýeti “Margiana – Türkmenistanyň territoriýasyndaky bürünç eýýamynyň şalygy” atly sergä gatnaşdylar. Türkmenistanyň Daşary işler ministrliginiň wekiliýetiniň Germaniýa sapary dowam edýär.

Telefon: +993 (12) 44-56-92
Faks: +993 (12) 44-58-12
Kabulhana: +993 (12) 44-56-87
Metbugat gullugy: +993 (12) 44-56-04
E-mail: ddd@mfa.gov.tm
744000, Aşgabat, Arçabil köç., 108
Aşgabat, Türkmenistan
© 2024 Türkmenistanyň Daşary işler ministrligi